Ríflega 40 börn hafa greinst með E.coli-sýkingu, þar af eru fimm alvarlega veik og liggja á gjörgæslu.

Aðeins börn á leikskólanum Mánagarði hafa greinst með bakteríuna en ekki er hægt að útiloka ógreindar sýkingar meðal fullorðinna. Beðið er eftir niðurstöðu úr sýnum frá starfsmönnum.

Þetta segir Guðrún Aspelund sóttvarnalæknir.

Færri börn greindust með E.coli-smit á síðustu tveimur dögum en dagana á undan.

Hópsýkingin virðist bundin við leikskólann, að sögn Guðrúnar, en enginn utan hans hefur greinst með bakteríuna. 

Frétt af mbl.is

Skýringa á sýkingu að vænta í vikunni

Bakterían ekki útbreidd í samfélaginu

Verið er að rannsaka sýni úr matvælunum og munu niðurstöður vonandi liggja fyrir á næstu dögum. Uppruni hópsýkingarinnar er því enn á huldu.

Guðrún segir þó spjótin beinast að matvælum enda hafi flest börn veikst á sama tíma sem þýði að ólíklegt sé að bakterían hafi smitast þeirra á milli. Eru meiri líkur á að uppruni sýkingarinnar sé sá sami hjá flestum.

Bakterían smitast ekki auðveldlega á milli manna.

Hún lifir í þörmum og er smitleiðin með saur. Þarf bakterían að berast í munn fólks. Er því ólíklegt að aðrir en þeir sem hafa þurft að aðstoða börn á klósettinu eða umgangast þau á heimilinu séu útsettir fyrir smitum, að sögn Guðrúnar.

Frétt af mbl.is

Þrjú börn á gjörgæslu í kjölfar E.coli-sýkingar

Hópsýkingin á Mánagarði alvarlegri

E.coli hópsýking kom upp árið 2019. Mátti þá rekja upprunann til ferðaþjónustubýlis í Bláskógabyggð. 

Guðrún segir sýkinguna núna alvarlegri. Fleiri börn séu smituð og alvarlega veik.

Frétt af mbl.is

E.coli-sýking getur valdið nýrnabilun

Tengdar fréttir

E.coli-hópsýking á Mánagarði

Glíma enn við eftirköst E.coli-smits í Efstadal

• Einhver börn hugsanlega með varanlegan nýrnaskaða
• Þrjú liggja inni vegna E. coli-smits
• Eiga rétt á bótum vegna E. coli-smits
• Eitt barn enn í öndunarvél

» Fleiri tengdar fréttir

• Blogga um frétt