Eyjólfur oddviti í Norðvesturkjördæmi
Setja bókamerki
Eyjólfur Ármannsson, alþingismaður og lögfræðingur, mun leiða lista Flokks fólksins í Norðvesturkjördæmi í komandi þingkosningum.
Lilja Rafney Magnúsdóttir, fyrrverandi alþingismaður, skipar 2. sæti listans og Bragi Þór Thoroddsen, sveitarstjóri Súðavíkurhrepps, skipar 3. sætið.
Eyjólfur, sem hefur setið á þingi fyrir flokkinn á yfirstandandi kjörtímabili, gegnir stöðu varaformanns fjárlaganefndar og allsherjar- og menntamálanefndar. Hann er formaður Orkunnar okkar og hefur víðtæka reynslu úr fjármálageiranum, efnahagsbrotadeild og lögmennsku, að því er kemur fram í tilkynningu.
„Við erum gríðarlega stolt af þessum öfluga framboðslista,“ segir Inga Sæland, formaður Flokks fólksins, í tilkynningunni. „Reynsla Lilju Rafneyjar af verkalýðsmálum, sveitarstjórnarmálum og þingmennsku, ásamt þekkingu Braga Þórs á sveitarstjórnarstiginu og velferðarmálum, styrkir baráttuna fyrir réttlátara samfélagi.“
Listi Flokks fólksins í Norðvesturkjördæmi:
- Eyjólfur Ármannsson, alþingismaður, Hrafnabjörgum Þingeyri
- Lilja Rafney Magnúsdóttir, varaþingmaður og fyrrv. alþingismaður, Suðureyri
- Bragi Þór Thoroddsen, sveitarstjóri Súðavíkurhrepps, Súðavík
- Heiða Rós Eyjólfsdóttir, tanntæknir og hársnyrtir, Blönduósi
- Kristján Andri Guðjónsson, forstöðumaður Ísafjarðarbæ, Ísafirði
- Snorri Snorrason, skipstjóri, Sauðárkróki
- Valda Brokane, skipstjóri, Suðureyri
- Guðni Már Lýðsson, formaður Smábátafélagsins Skalla, Skagaströnd
- Dagný Ósk Hermannsdóttir, deildarstjóri eldhúss Heilbrigðisstofnunar Vesturlands, Stykkishólmi
- Hafþór Guðmundsson, strandveiðimaður, Þingeyri
- Svanur Grétar Jóhannsson, sjómaður, Stykkishólmi
- Ágúst Heiðar Ólafsson, kerfóðrari Grundartanga, Akranesi
- Hermann Jónsson Bragason, vélstjóri, Stykkishólmi
- Andrea Þórunn Björnsdóttir, frumkvöðull í góðgerðarmálum, Akranesi
Tómthússkattur og aðgerðir gegn Airbnb
Móttöku framboða vegna alþingiskosninga lýkur í dag
Vistir af skornum skammti og nágranninn ófundinn
Engar beiðnir um aðstoð við Íslendinga á flóðasvæðinu
„Ástandið er ömurlegt í kringum okkur“
Tafir þýða dýrari Hvammsvirkjun
Kröfur kennara „mikil vonbrigði“
