Í kjölfar þess að hafa þurft að endurtaka atkvæðagreiðslu um verkfall í Menntaskólanum í Reykjavík hafa kennarar skólans samþykkt boðun um verkfall 18. nóvember.

Í tilkynningu á vef Kennarasambands Íslands segir að verkfallið hafi verið samþykkt með yfirgnæfandi meirihluta atkvæða.

Verkföll í níu skólum hófust á þriðjudaginn en lítið hefur þokast í kjaradeilunni. Skólarnir sem um ræðir eru: Leikskóli Seltjarnarness, Drafnarsteini í Reykjavík og Holti í Reykjanesbæ, Áslandsskóli í Hafnarfirði, Laugalækjarskóli í Reykjavík, Lundarskóli á Akureyri, Fjölbrautaskóli Suðurlands og Tónlistarskóli Ísafjarðar

Frétt af mbl.is

Funda vegna kjaradeilu í dag

Kjörsókn 95%

Þannig er búið að boða til verkfalls í skólanum frá 18. nóvember til 20. desember að því gefnu að samningar verði ekki komnir í höfn.

Endurtaka þurfti atkvæðagreiðsluna vegna þess að ekki tókst að framkvæma boðun verkfallsins með réttum hætti, segir enn fremur í tilkynningu.

Atkvæðagreiðslan stóð frá 30. október og 1. nóvember og kusu 85% þátttakenda með boðuninni, 9% kusu gegn henni og auðir seðlar námu 6%.

Alls var kjörsóknin 95%. 

Verkföll boðuð í þrettán skólum

• Leikskóli Seltjarnarness (29. okt - ótímabundið)
• Leikskólinn Ársalir á Sauðárkróki (29. okt - ótímabundið)
• Leikskólinn Drafnarsteinn í Reykjavík (29. okt - ótímabundið)
• Leikskólinn Holt í Reykjanesbæ (29. okt - ótímabundið)
• Áslandsskóli í Hafnarfirði (29. okt - 22. nóv)
• Laugalækjarskóli í Reykjavík (29. okt - 22. nóv)
• Lundarskóli á Akureyri (29. okt - 22. nóv)
• Garðaskóli í Garðabæ (25. nóv - 20. des)
• Árbæjarskóli í Reykjavík (25. nóv - 20. des)
• Heiðarskóli í Reykjanesbæ (25. nóv - 20. des)
• Fjölbrautaskóli Suðurlands (29. okt - 20. des)
• Menntaskólinn í Reykjavík (11. nóv - 20. des)
• Tónlistarskóli Ísafjarðar (29. okt - 20. des)

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• Blogga um frétt