Landsréttur hefur staðfest sjö ára dóm yfir Theodóri Páli Theodórssyni sem var sakfelldur fyrir kynferðisbrot gegn tveimur börnum. 

Þá var Theodór einnig sakfelldur í héraðsdómi fyrir ítrekuð vændiskaup.

Honum var einnig gert að greiða stúlkunum sem hann braut gegn hvorri um sig miskabætur að fjárhæð 3.000.000 króna. 

Frétt af mbl.is

Sakfelldur fyrir fjórar nauðganir gegn börnum

Héraðsdóm­ur Reykja­vík­ur dæmdi Theo­dór í febrúar á þessu ári í sjö ára fang­elsi fyr­ir nauðgan­ir og kyn­ferðis­brot gegn barni yngra en 15 ára, fyr­ir kyn­ferðis­lega áreitni gegn barni, fyr­ir kaup á vændi og fyr­ir að hafa í vörsl­um sín­um mynd­efni sem sýndi börn nak­in og á kyn­ferðis­leg­an máta.

Landsréttur staðfesti þennan dóm í gær. 

Brotin sérlega ófyrirleitin

Í niðurstöðukafla dómsins segir að brot Theodórs hafi beinst gegn mikilvægum verndarhagsmunum ungra stúlkna á viðkvæmu aldurs- og þroskaskeiði, en framburður beggja brotaþola og vitna hafi verið til marks um að brotin hafi valdið þeim mikilli vanlíðan.

„Ljóst er af þeim gögnum sem fyrir liggja í málinu sem og vitnisburðum að brot ákærða voru einbeitt og skipulögð, þar sem hann nálgaðist aðra stúlkuna undir ólíkum nöfnum og á mismunandi forsendum á samskiptaforritinu Snapchat. Ákærði notfærði sér gróflega ungan aldur og þroskaleysi stúlknanna í samskiptum við þær og skeytti engu um afleiðingar brotanna. Brot hans eru sérlega ófyrirleitin og á hann sér engar málsbætur,“ segir Landsréttur. 

Tengdar fréttir

Kynferðisbrot

Samþykkir beiðni um áfrýjun í kynferðisbrotamáli

• Streymi: Kynferðisofbeldi gegn börnum með notkun gervigreindar
• Sendi ítrekað typpamyndir á 15 ára stúlku
• Braut ítrekað á barnungri náfrænku sinni
• Tók upp nauðgun í aftursæti bíls

» Fleiri tengdar fréttir

• Blogga um frétt