Ók á gám og var handtekinn

Lögreglunni á höfuðborgarsvæðinu bárust þó nokkrar tilkynningar um umferðaróhöpp í nótt.

Í dagbók lögreglu segir að tilkynning hafi borist um að bifreið hafi verið ekið á gám hjá lögreglustöð 1 sem sinnir verkefnum í Austurbæ, Miðbæ, Vesturbæ og á Seltjarnarnesi. 

Þegar lögregla kom á staðinn var þar maður við bifreiðina í annarlegu ástandi. Hann var handtekinn grunaður um að hafa ekið bifreiðinni þegar áreksturinn varð.

Þá barst tilkynning um að bifreið hafði verið velt í íbúðahverfi. 

Tveir voru í bifreiðinni þegar hún valt og voru báðir vistaðir í fangaklefa í þágu rannsóknar málsins.

Frétt af mbl.is

Tveir fluttir á slysadeild eftir umferðaróhapp

Ekið á gangandi vegfaranda

Tilkynning barst um slys hjá lögreglustöð 2 sem sinnir verkefnum í Hafnarfirði, Garðabæ og á Álftanesi.

Þar hafði verið ekið á gangandi vegfaranda. Sá virtist ekki mikið meiddur við skoðun á vettvangi.

Í umdæmi lögreglustöðvar 3 sem sinnir verkefnum í Kópavogi og Breiðholti var lögregla kölluð til vegna umferðarslyss þar höfðu tvær bifreiðar lent í árekstri.

Eitthvað var um slys á farþegum í bifreiðunum, en er dagbókin var send út rétt eftir klukkan 6 var ekki vitað um alvarleika meiðsla. 

• Blogga um frétt