Björgunarsveitarmaður á æfingu lést við Tungufljót

Maðurinn sem féll í Tungufljót ná­lægt Geysi í gær hét Sigurður Kristófer McQuillan Óskarsson og var formaður björgunarsveitarinnar Kyndils í Mosfellsbæ. Hann var við æfingu í straumvatnsbjörgun í og við Tungufljót í gær, þegar slysið varð.

Þetta kemur fram í tilkynningu frá Slysavarnafélaginu Landsbjörg.

Frétt af mbl.is

Maðurinn sem lést var íslenskur

„Hugur minn og allra félaga í Slysavarnafélaginu Landsbjörg er með aðstandendum hans og félögum og okkar verkefni núna er fyrst og fremst að taka utan um þann hóp með allri þeirri sálrænu aðstoð sem við getum veitt, og þau vilja þiggja,“ segir Borghildur Fjóla Kristjánsdóttir, formaður Landsbjargar, í tilkynningunni.

Slysið var rétt fyrir klukkan fjögur í gærdag. Straum­vatns­björg­un­ar­menn náðu mann­in­um upp úr ánni og voru strax hafn­ar end­ur­lífg­un­ar­tilraun­ir á hon­um, en þær báru ekki ár­ang­ur.

Rannsókn slyssins er í höndum lögreglunnar á Suðurlandi og tekið er fram að Landsbjörg muni veita alla þá aðstoð við rannsóknina sem óskað verði eftir.

Frétt af mbl.is

Maðurinn sem féll í Tungufljót er látinn

• Blogga um frétt