„Það er mikil óvissa í uppfærðum samgöngusáttmála. Honum fylgir gríðarleg fjárhagsleg áhætta, ekki síst vegna óumflýjanlegrar framúrkeyrslu kostnaðar,“ segir Svana Helen Björnsdóttir, bæjarfulltrúi Sjálfstæðisflokks á Seltjarnarnesi. Tveir fulltrúar sjálfstæðismanna létu gera bókun við undirritun samgöngusáttmálans í óbreyttri mynd, á fundi bæjarráðs.

Frétt af mbl.is

Mikil áhætta fylgir sáttmálanum

„Samkvæmt sveitarstjórnarlögum er sveitarfélögum heimilt að taka þátt í verkefnum í ljósi brýnna samfélagslegra hagsmuna, en þó þarf að tryggja ábyrga meðferð fjármuna. Samandregið er áhættan við undirritun sáttmálans svo mikil að vafi leikur á um hvort sveitarfélagið geti með tryggum hætti staðið undir þeirri þjónustu sem íbúar eiga rétt á. Það er a.m.k. mitt mat að óábyrgt sé að staðfesta samning sem hefur svo óþekkta útkomu fyrir skattgreiðendur.“

Svana Helen Björnsdóttir

Svana segir að upplýsingar um uppfærslu samningsins hafi aðeins borist degi fyrir undirritun, sem sé of lítill tími til að kynna sér málið almennilega. „Það er ekki hægt að samþykkja sáttmálann óbreyttan,“ segir hún og segir að fram þurfi að fara áhættugreining og skilgreina þurfi ábyrgðarskiptingu svo unnt sé að rekja ábyrgð.

Lesa má meira um málið í Morgunblaðinu í dag. 

Tengdar fréttir

Samgöngusáttmáli höfuðborgarsvæðisins

Staða og framtíð borgarlínu og samgöngusáttmála

• Lega borgarlínu breytist í miðbænum
• Aukin tíðni strætóferða fyrir fleiri íbúa
• Mikil áhætta fylgir sáttmálanum
• Verðum að tala okkur svolítið upp

» Fleiri tengdar fréttir