Samningaviðræður stopp vegna Guls bíls

Samningaviðræður Háskóla Íslands og Parka-lausna, um gjaldtöku á bílastæðum við Háskóla Íslands, hafa verið stöðvaðar. Fyrirtækið Gulur bíll ehf. telur útboð tengd gjaldtökunni ekki standast lög og lagði fram kæru gegn Fjársýslu ríkisins, Háskóla Íslands og Parka-lausnum ehf. Gulur bíll var á meðal þriggja fyrirtækja sem gerðu tilboð í gjaldtökuna.

Ríkisútvarpið greindi fyrst frá.

Hefur nú kærunefnd útboðsmála birt ákvörðun sína.

Frétt af mbl.is

Gjaldtaka á bílastæðum við HÍ í haust

Ekki talið hafa gilt starfsleyfi

Kemur þar fram að opnað var fyrir tilboð í gjaldtöku á bílastæðum við Háskóla Íslands 30. júlí í ár og bárust tilboð frá þremur bjóðendum.

Þar var Gulur bíll með lægsta tilboðið, eða tæpar 94 milljónir króna. Þar á eftir kom Parka-lausnir með um 97 milljónir króna.

Gulum bíl var hafnað með bréfi 15. ágúst þar sem m.a. var bent á að Gulur bíll hefði ekki verið með gilt starfsleyfi við opnun tilboða en því höfnuðu forsvarsmenn fyrirtækisins og sögðu fyrirtækið hafa fengið sín leyfi í ágúst vegna sumarleyfa og væru í samræmi við útboðsgögn.

Þá bentu þeir á að Parka-lausnir hefði ekki uppfyllt kröfur í útboðinu en því hefur fyrirtækið hafnað.

Frétt af mbl.is

Almenn gjaldtaka verður á öllum bílastæðum

Verulegar líkur á broti á lögum

Kemur fram í ákvörðun kærunefndar að Parka-lausnir hafi ætlað sér að nýta sér þjónustu fyrirtækisins Securitas og segir að ef bjóðandi byggði á getu annars fyrirtækis skyldi það fyrirtæki skila inn sömu upplýsingum og bjóðandi.

Það virðist hins vegar vera svo að Parka-lausnir hafa ekki lagt fram önnur gögn sem vörðuðu Securitas.

Telur kærunefnd útboðsmála, eins og málið liggur fyrir á þessu stigi, að verulegar líkur hafi verið leiddar að broti gegn lögum um opinber innkaup.

Samningaviðræður mega því ekki halda áfram og frestast gjaldtaka við háskólann fram yfir áramót.

Frétt af mbl.is

Hefja gjaldtöku um áramótin

• Blogga um frétt