Spáð er vonskuveðri á Vestfjörðum og Norðurlandi á morgun. Fyrir utan spá um mikla vindhæð kemur kröpp lægð yfir Vestfirði sem mun koma til með að slengja inn suðvestan vindröst yfir norðanverða Vestfirði og Strandir.

Þetta kemur fram í tilkynningu frá veðurfræðingi Vegagerðarinnar.

Segir í tilkynningunni að búast megi við allt að 28-32 m/s síðdegis, ofsaveðri eða fárviðri og hviðum um og yfir 50 m/s.

Í vestanverðum Skagafirði og Eyjafirði er einnig spáð miklum, byljóttum vindi, einkum síðdegis sem spáð er að nái upp í 23-28 m/s.

Appelsínugular viðvaranir taka gildi um allt Norðurland og Vestfirði upp úr hádegi. Fólk er hvatt til þess að ganga frá lausamunum til þess að fyrirbyggja foktjón.

Frétt af mbl.is

Gular og appelsínugular viðvaranir á morgun

Tengdar fréttir

Veður

Skoða ráðstafanir vegna mikillar kuldaspár

• Skemmdir í Bláfjöllum eftir veðrið
• Éljagangur en síðan slydda eða rigning
• Hjálpuðu að festa þak á hlöðu
• „Þetta er ekta eldingaveður“

» Fleiri tengdar fréttir

• Blogga um frétt