„Það er aðeins farið að hvessa en ég held að veðurhæðin eigi að ná hámarki seinni partinn í dag og eigi að vara fram að miðnætti.“

Þetta segir Hlynur Snorrason, yfirlögregluþjónn á lögreglunni á Vestfjörðum. Appelsínugul viðvörun tók gildi klukkan 13 á Vestfjörðum en þar er spáð suðvestan 20-30 m/s og hviður staðbundið yfir 40 m/s. Það má búast við éljagangi með takmörkuðu skyggni og versnandi akstursskilyrðum.

Í september síðastliðnum varð mjög hvasst í suðvestan áttinni á Vestfjörðum og rak til að mynda tvær seglskútur upp í fjöruna við Pollagötuna á Ísafirði.

Frétt af mbl.is

Aðra skútu rak upp í fjöru á Ísafirði

„Núna er sama áttin og ég held að menn séu á varðbergi. Það er til að mynda engar skútur á pollinum núna og það á ekki að gerast aftur það gerðist í september. Menn eru greinilega á tánum,“ segir Hlynur.

Hann segir að það sé marautt á Ísafirði sem stendur.

Frétt af mbl.is

Ekkert ferðaveður á Vestfjörðum og á Norðurlandi

Tengdar fréttir

Veður

Klæðning fauk af vegi

• Björgunarsveitir á tánum
• Biður fólk um að vera ekki á ferðinni
• Vindhviður yfir 30 m/s og hitinn náð 19 gráðum
• Ekkert ferðaveður á Vestfjörðum og á Norðurlandi

» Fleiri tengdar fréttir

• Blogga um frétt