Hætt við að fækka áramótabrennum

Hætt hefur verið við að fækka áramótabrennum í Reykjavíkum næstu áramót úr tíu í sex líkt og umhverfis- og skipulagsráð Reykjavíkurborgar hafði áður samþykkt.

Ráðið ákvað að afturkalla tillögu um fækkun áramótabrenna eftir hvatningu frá íbúum. Áfram verða því tíu brennur á gamlárskvöld, líkt og síðustu ár.

Í fundargerð kemur fram að skoða eigi hvernig hægt verði að mæta athugasemdum viðbragðsaðila án þess að afleggja brennurnar. 

Frétt af mbl.is

Fækkun áramótabrenna hitamál

Leggja til samráð um staðsetningar

Greint var frá því á mbl.is í síðustu viku að ákvörðun um að fækka brennum hefði verið tekin vegna beiðna frá slökkviliði, lögreglu og heilbrigðiseftirliti. Þar sem ógn væri talin standa af brennunum.

Í tillögu sem fylgir fundargerð umhverfis- og skipulagsráðs er lagt til að samráð verði haft við íbúa og viðbragðsaðila á næsta ári um staðsetningar til lengri tíma litið og þá ræddar mögulegar nýjar staðsetningar eða aðrar breytingar til að mæta sjónarmiðum.

• Blogga um frétt