88% barna í 6. bekk á samfélagsmiðlum
Setja bókamerki
Notkun samfélagsmiðla er útbreidd á meðal grunnskólabarna og eykst stöðugt með hverju aldursári. Um og yfir helmingur barnanna á erfitt með að minnka þessa notkun sína.
Niðurstöður íslensku æskulýðsrannsóknarinnar varpa aftur ljósi á þetta.
Af þeim má ráða að 88% grunnskólabarna í 6. bekk noti samfélagsmiðla að staðaldri.
Í 7. bekk er hlutfallið 92% og í 8. bekk hefur það náð 95%. Tveimur aldursárum síðar, í 10. bekk, stendur hlutfallið í 97%.
Notkunin er útbreiddari á meðal stúlkna og er hlutfall stúlkna hærra en drengja öll þessi fimm aldursár. Í 10. bekk er það 99%.
Lestraráhugi hrynur samhliða aukinni notkun
Forsætisráðherra Noregs og Ástralíu hafa á undanförnum vikum sagst vilja setja strangari aldurstakmarkanir á notkun miðlanna.
Í Noregi verði takmarkið við 15 ára aldur en í Ástralíu við 16 ára aldur.
Í umfjöllun Morgunblaðsins og mbl.is um mikinn vanda íslenska skólakerfisins hefur þegar verið greint frá því hvernig áhugi íslenskra barna á lestri hefur hrunið frá aldamótum.
Árið 2000 sögðust 33% nemenda í 10. bekk aðeins lesa þegar þau þyrftu þess. Í dag er hlutfallið 60% og jafnvel meira.
Nemendur sem eyða meiri tíma í snjallsímum á skólatíma hafa minni áhuga á lestri en þeir sem nota snjallsíma lítið eða ekkert. Lestraráhuginn fer sífellt hraðar dvínandi eftir því sem nemendur eyða meiri tíma í tækjunum.
Líður illa þegar þau komast ekki í samfélagsmiðla
Um þriðjungur ungmenna í 10. bekk upplifir vanlíðan þegar hann hefur ekki aðgang að samfélagsmiðlum.
Eru stúlkur sérstaklega viðkvæmar fyrir þessum áhrifum.
Rúmlega helmingur þeirra hefur verið beðinn um að senda nektarmyndir.
Skoða hvort Hvalur 8 og 9 geti hitað upp Suðurnes
Nokkrar skriður féllu á Vestfjörðum
Önnur aurskriða við Eyrarhlíð
Deilan enn í hnút eftir tveggja vikna verkföll
Ránið var framið í strætóskýli
Slasað barn fær ekki styrk vegna leigu á hjólastól
„Einhverjir töfrar sem gerast“
