Kristján enn og aftur dæmdur fyrir ofbeldisbrot

Kristján Markús Sívarsson hefur verið dæmdur í 16 mánaða fangelsi fyrir sérstaklega hættulega líkamsárás þegar hann réðst í tvígang að konu í janúar árið 2022 þannig að hún hlaut meðal annars höfuðkúpubrot, opið sár á höfði og mar á heila.

Kristján varð þekktur fljótlega eftir aldamót sem annar svonefndra Skeljagrandabræðra. Komust þeir bræður ítrekað í kast við lögin allt frá barnsaldri. Var meðal annars farið yfir sögu þeirra í frétt á mbl.is árið 2014.

Frétt af mbl.is

Uppeldissaga bræðranna dapurleg

Við höggið féll konan niður í gólfið og brotnaði upp úr tönn hennar við það. Eft­ir árás­ina halda þau áleiðis frá heim­ili Kristjáns, en þar ræðst hann aft­ur að kon­unni og spark­ar í hægri fót­legg henn­ar þannig að hlaut eymsli á hné­skel.

Kristján neitaði sök fyrir dómi. Dómurinn taldi hins vegar út frá framburði konunnar og vitnis að lögfull sönnun hafi verið um þá háttsemi og afleiðingar sem Kristjáni voru gefnar að sök.

Þá er Kristjáni gert að greiða konunni 800 þúsund í skaðabætur.

Í dóminum er löng brotasaga Kristjáns að hluta rakin, en hann hefur ítrekað verið dæmdur til refsingar frá árinu 1998, meðal annars sex sinnum áður fyrir ofbeldisbrot. Þá hefur hann ítrekað gerst brotlegur gegn lögum um ávana- og fíkniefna. Hlaut hann síðast tveggja mánaða dóm í apríl 2022 fyrir umferðarlagabrot.

Árið 2021 var Kristján dæmdur fyrir brot gegn hjálparskyldu með því að láta ógert að koma barn­s­móður sinni und­ir lækn­is­hend­ur er hún veikt­ist al­var­lega af kókaín­eitrun með þeim af­leiðing­um að hún lést.

Frétt af mbl.is

Hjálpaði ekki konu sem lést úr kókaíneitrun

Höfðu fyrri afbrot mannsins ítrekunaráhrif við ákvörðun refsingar núna, auk þess sem honum var dæmdur hegningarauki vegna fyrri dóms. Þá er tekið fram að árásin sem hann er nú dæmdur fyrir hafi verið alvarleg og fólskuleg án nokkurs tilefnis.

• Blogga um frétt