Einn fluttur á spítala eftir þriggja bíla árekstur

Þriggja bíla árekstur varð á gatnamótum Miklubrautar og Háaleitisbrautar í dag. Einn bíllinn er óökufær eftir slysið.

Þetta staðfestir Jón Kristinn Valsson, varðstjóri hjá slökkviliðinu á höfuðborgarsvæðinu.

Einn var fluttur til skoðunar á Landspítala. Er hann ekki talinn alvarlega slasaður.

Einn bíll dreginn í burtu

Einn sjúkrabíll og einn dælubíll voru sendir á vettvang og hafa þeir þegar yfirgefið svæðið. Verið er að bíða eftir því að Krókur dragi einn bílinn burt.

Upplýsingar um tildrög slyssins liggja ekki fyrir. 

• Blogga um frétt