Köld norðanátt og frost í kortunum
Setja bókamerki
„Þessu vatnsveðri er lokið. Það verður skipt alveg um gír og farið í kalda norðanátt.“
Þetta segir Haraldur Eiríksson veðurfræðingur spurður hvort vatnsveðri á Vestfjörðum fari brátt að linna. Sunnanátt hefur verið um land allt og votviðri einkum hrjáð íbúa á Vestfjörðum. Það fari þó allt að breytast.
Óvissustig hefur verið þar í gildi frá því í fyrrakvöld vegna hættu á grjót- og skriðuföllum en Haraldur segir líklegt að það verði blásið af bráðum og að fundað verði um stöðu mála í fyrramálið.
„Það er að kólna og það á að fara að snjóa þar seinnipart nætur og fara svo yfir í éljagang á morgun og svo er spáð frostveðri á landinu næstu daga.“
Appelsínugular og gular viðvaranir
Veðurstofa Íslands varar einnig við illviðri víða um land á morgun en gular og appelsínugular veðurviðvaranir hafa verið gefnar út vegna hvassviðris og snjókomu.
Appelsínugular viðvaranir taka gildi klukkan 15 á morgun á Norðurlandi eystra, klukkan 17 á Austurlandi að Glettingi, klukkan 18 á Suðausturlandi og klukkan 20 á Austfjörðum.
Gular viðvaranir taka gildi snemma í fyrramálið.
Spara stórfé með olíukaupum ytra
„Erum í miðri hrinu“: Styttist í Eldvörp
Beint: Eldgos hafið við Stóra-Skógfell
Gosið gæti varað lengur: Meiri fyrirstaða í gosrásinni
Myndir: Grindavíkurvegur aftur undir hraun
Úlfar: Heppileg tímasetning á gosinu