Við urðum að byrja upp á nýtt

Þau Valdís og Hjörtur Már Gestsson eiginmaður hennar fluttu með börnunum sínum tveimur, átta ára tvíburum, til Grindavíkur árið 2019.

Frétt af mbl.is

„Þetta er saga okkar allra“

24 Grindavíkurbörn í skólanum

„Áslaug Rós systir mín og Tómas Guðmundsson maður hennar, sem er Grindvíkingur í húð og hár, og við Hjörtur fórum saman í að byggja parhús við Víkurhóp.

Þetta var mjög skemmtilegt verkefni og húsið var nánast tilbúið þegar ósköpin dundu yfir,“ segir Valdís, sem er hjúkrunarfræðingur að mennt. Hún starfaði á heilsugæslustöðinni í Grindavík en síðan á sama vettvangi í Reykjanesbæ.

Hjörtur er verkfræðingur, var byggingafulltrúi í Grindavík en hefur nú snúið sér að rekstri eigin fyrirtækis og sinnir þar teikningu og hönnun lagna og loftræstikerfa.

Frétt af mbl.is

Trúir að Grindavík geti byggst upp

Fluttu inn í september

Fyrst eftir að Grindavík var rýmd fengu Valdís og fjölskylda hennar inni hjá ættmennum sínum á höfuðborgarsvæðinu. Þá máttu þau sátt þröngt sitja um sinn.

Þau fengu svo íbúð hjá leigufélaginu Bríet í Vogum á Vatnsleysuströnd og voru þar frá í byrjun þessa árs fram í september síðastliðinn. Höfðu þegar þar var komið sögu fest kaup á fokheldri íbúð í raðhúsi við Víðiholt á Álftanesi.

„Þarna erum við systurnar aftur nágrannar og líkar vel. Íbúðina fengum við í mars síðastliðnum, sumarið tókum við í fráganginn og fluttum svo inn í september. Og boltinn er aftur farinn að rúlla; fólk fer í vinnu og börnin í skóla. Í Álftanesskóla byrjuðu í haust 24 börn sem áður voru í Grindavík; svipaður fjöldi og er í einni bekkjardeild.“

Frétt af mbl.is

Hamfarirnar engu líkar: Rýma hefði mátt bæinn fyrr

Viðtalið má lesa í heild sinni í sér­blaði Morg­un­blaðsins um ham­far­irn­ar í Grinda­vík 10. nóv­em­ber.

24 síðna sérblað fylgdi Morgunblaðinu þar sem fjallað er um hamfarirnar 10. nóvember, upplifun Grindvíkinga og afdrif þeirra.