Svikaalda sem tengist rafmyntum herjar á Íslendinga. Lögreglan á höfuðborgarsvæðinu varar við svikunum á samfélagsmiðlum í dag.

Lögregla segir fjölmörg fjársvikamál hafa komið upp þar sem landsmenn eru blekktir í síma eða skilaboðum í netheimum til að kaupa rafmyntir í gegnum vefinn. 

Varar lögregla almenning við og bendir á að um sé að ræða svik sem séu hluti af skipulagðri glæpastarfsemi.

Frétt af mbl.is

Best að skella á og hringja strax í bankann

Frétt af mbl.is

Fattaði fljótlega að um svindl væri að ræða

Hringt úr íslenskum númerum

„Gjarnan er hringt í fólk úr íslenskum símanúmerum jafnvel þó sá sem hringi tali ensku og fólki haldið þar á spjalli á meðan svikin fara fram.

Jafnvel þó íslensk símanúmer séu notuð er viðkomandi aðili ekki staddur á Íslandi,“ eins og segir í færslu lögreglu sem leggur upp með nokkrar góðar reglur fóki til handa:

• Hafna öllum viðskiptum við ókunnuga í gegnum síma
• Gefa aldrei upp lykilorð eða netfang til slíkra aðila
• Gefa aldrei upp öryggistölu fyrir rafræn skilríki
• Ef í vafa, hringdu í vin

Ef ókunnugur biður um að fólk fari inn á ókunna síðu með rafrænum skilríkjum sínum segir lögregla eina tilganginn að yfirtaka síma og heimabanka fólks.

„Eftir að búið er að færa fé í kauphöll fyrir rafmyntir á netinu er ómögulegt fyrir lögreglu eða fjármálastofnanir að endurheimta það fé.“

Tengdar fréttir

Netsvik

Fórnarlömb netsvika fá ekki endurgreiðslu

• Erlend netárás gerð á Bland.is
• Best að skella á og hringja strax í bankann
• Fattaði fljótlega að um svindl væri að ræða
• Gætu séð allt sem er í tölvunni

» Fleiri tengdar fréttir

• Blogga um frétt