Gæsluvarðhald framlengt og rannsókn á lokastigi
Setja bókamerki
Gæsluvarðhald yfir manninum sem grunaður er um að hafa banað dóttur sinni, hinni 10 ára gömlu Kolfinnu Eldeyju Sigurðardóttur, hefur verið framlengt um fjórar vikur.
Þetta staðfestir Eiríkur Valberg, lögreglufulltrúi hjá miðlægri deild lögreglunnar, í samtali við mbl.is en gæsluvarðhald yfir manninum átti að renna út í gær.
Stúlkan fannst látin við Krýsuvíkurveg þann 15. september síðastliðinn og var faðir hennar handtekinn við Krýsuvíkurveginn daginn sem líkið fannst. Hann hefur því verið í gæsluvarðhaldi í níu vikur en enginn getur setið lengur í gæsluvarðhaldi en tólf vikur ef ekki er gefin út ákæra.
Eiríkur segir að rannsókn málsins miði vel en eins og í málum sem þessum þá sé oft löng bið eftir gögnum eins og endalegri krufningsskýrslu, DNA-gögnum og sérfræðigögnum.
„Við teljum okkur hafa skýra mynd af því sem gerðist. Við getum ekki haldið manninum lengur en í tólf vikur án ákæru en við munum ljúka rannsókn málsins innan þess tíma,“ segir Eiríkur.
Greiningarmiðstöð hluti af 13 landamæraaðgerðum
Hjúkrunarfræðingar skrifa undir kjarasamning
Nota ekki jólaljós til að níðast á fólki
110 milljónir í stöðu prófessors
Var rétt komin ofan í sprunguna
Erfiðara fyrir flokka að segjast hlutlausir
„Mjög bagalegt“ að klára ekki málið
Illviðri gengur yfir landið í dag