Viðreisn bæt­ir dug­lega við sig fylgi sam­kvæmt nýj­ustu könn­un Pró­sents fyr­ir Morg­un­blaðið og mbl.is, en flokk­ur­inn fengi 21,5% at­kvæða ef kosið yrði til Alþing­is nú. Ekki er mark­tæk­ur mun­ur á fylgi Viðreisn­ar og Sam­fylk­ing­ar, sem mæld­ist með 22,4% fylgi.

Fylgisaukn­ing ann­ara flokka en Viðreisn­ar er mjög hóf­leg og inn­an vik­marka frá fyrri viku, svo ekki er óhætt að full­yrða neitt um fylg­is­hreyf­ing­ar hjá þeim. Miðflokk­ur með rúm­lega 15%, Sjálf­stæðis­flokk­ur áfram í 12% og Flokk­ur fólks­ins með rétt rúm 10%.

Niður­stöður könn­un­ar Pró­sents 8. til 14. nóv­em­ber.

Pírat­ar og Vinstri græn­ir úti

Á hinn bóg­inn taka Pírat­ar dýfu eft­ir að hafa virst reisa sig tals­vert í liðinni viku, en nú eru þeir aðeins með 3,4% fylgi, langt frá því sem þarf til þess að koma manni inn á þing. Fylgi Vinstri grænna hreyf­ist hins veg­ar ekki frek­ar en fyrri dag­inn og þarf að meira en tvö­fald­ast til þess að flokk­ur­inn hangi inni á Alþingi.

Fylgi Sósí­al­ista dal­ar tals­vert frá fyrri viku, en er þó enn yfir 5%, svo flokk­ur­inn á von um að koma mönn­um á þing. Fylgi Fram­sókn­ar má heita hið sama og verið hef­ur marg­ar und­an­farn­ar vik­ur, réttu meg­in við fimm pró­sent­in, en bara rétt svo.

Pró­sent gerði net­könn­un meðal 2.600 mann úr­taks dag­ana 8. til 14. nóv­em­ber, en svar­hlut­fallið var 52%.

Óljós áhrif hremm­inga

Á ýmsu gekk í stjórn­mál­un­um þá daga og má nefna frétt­ir af njósnaaðgerð gegn syni Jóns Gunn­ars­son­ar, þing­manns Sjálf­stæðis­flokks­ins, og umræðu um dólgs­leg skrif Þórðar Snæs Júlí­us­son­ar, fram­bjóðanda Sam­fylk­ing­ar, und­ir dul­nefni.

Ekki er að sjá að mál tengd Jóni Gunn­ars­syni hafi haft áhrif á fylgi Sjálf­stæðis­flokks­ins, þó auðvitað megi halda því fram að þau hafi hugs­an­lega haldið aft­ur af fylgisaukn­ingu flokks­ins í sömu viku og hann kynnti kos­inga­áhersl­ur sín­ar. Um slíkt er ógern­ing­ur að full­yrða nokkuð.

Á hinn bóg­inn reis umræðan um Þórð Snæ og skrif hans svo seint, að niður­stöður könn­un­ar­inn­ar ná ekki að end­ur­spegla hugs­an­leg áhrif henn­ar svo nokkru nemi, varla nema síðasta dag­inn þegar svör­un var orðin nokkuð dræm.

Nán­ar má lesa um niður­stöður könn­un­ar­inn­ar, fylg­isþróun og fjölda þing­sæta hvers flokks í Morg­un­blaðinu á morg­un.

– – –

Frétt­in var leiðrétt, en þar stóð upp­haf­lega að Viðreisn hefði hlotið 22,5% fylgi, en þar átti að standa 21,5%.

Tengd­ar frétt­ir

Spurs­mál

Jón Gunn­ar tek­ur sæti í stjórn raf­mynta­fyr­ir­tæk­is

• #71. - Syk­urpabbi kem­ur út úr skápn­um og ráðherr­ar sakaðir um ósann­indi
• Af­slátt­ur bank­ans til Ásthild­ar Lóu skatt­skyld­ur
• Ásthild­ur Lóa fékk al­gjöra sérmeðferð hjá bank­an­um
• Fjörið held­ur áfram hjá Flokki fólks­ins í Fjörgyn

» Fleiri tengd­ar frétt­ir

Alþing­is­kosn­ing­ar 2024

Kosn­ing­arn­ar standa

• Þórður Snær mun ekki þiggja biðlaun
• Anna Rut, Svein­björn og Anna Sigrún ráðin
• Seg­ir ekk­ert um sam­töl við Dag
• Styrk­veit­ing í trássi við lög

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Geir Ágústs­son: Könn­un: Kjós­end­ur vilja engu breyta
• Ómar Geirs­son: Viðreisn í mik­illi sókn.