Innlent | Spursmál | mbl | 16.11.2024 | 10:25

Ingibjörg: Þórður þarf að hreinsa þetta almennilega upp

„[Ég] verð að endurskoða afstöðu mína í þessu máli. Því meira sem birtist af gömlum færslum Þórðar því erfiðara er að sætta sig við hann fyrir 20 árum. Hann þarf að hreinsa þetta almennilega upp til að endurheimta trúverðugleika sinn,“ skrifar Ingibjörg. Samsett mynd

Ingibjörg Sólrún Gísladóttir, fyrrverandi formaður Samfylkingarinnar, hefur endurskoðað afstöðu sína til ummæla Þórðar Snæs Júlíussonar og segir hann nú þurfa „að hreinsa þetta almennilega upp til að endurheimta trúverðugleika sinn“.

Gömul skrif Þórðar Snæs á blogginu „Þessar elskur“, sem haldið var uppi á af honum og félögum á árunum 2004-2007, voru dregin fram í þætti Spursmála á mbl.is á þriðjudag. Hann baðst velvirðingar á sínum ósmekklegu ummælum um konur sem hann lét falla á blogginu.

Frétt af mbl.is

Kallaði konur lævísar, undirförlar tíkur

Kristrún Frostadóttir, formaður flokksins, sagði í færslu á Facebook á miðvikudag að skrif Þórðar endurspegluðu engan veginn stefnu flokksins en að hún teldi rétt að gefa fólki tækifæri að bæta sitt ráð.

Frétt af mbl.is

Þórður „má og á að skammast sín“

Ingibjörg skipti um skoðun

Í ummælum undir Facebook-færslu Kristrúnar hafði Ingibjörg fyrst skrifað:

„[Ummæli Þórðar] endurspegla ungan kjána og sperrilegg sem er að reyna að vera töffari. Ég hef kynnst mörgum slíkum í gegnum tíðina sem hafa hins vegar flestir komist til vits og áttað sig á eigin heimsku. Mér sýnist Þórður Snær hafa gert það og vona að hann reynist öflugur stuðningsmaður kvenfrelsis á Alþingi.“

En nú hafa fleiri færslur Þýska stálsins verið dregnar fram í sviðsljósið – þar á meðal ein sem fjallaði um að vinur Þórðar hafi reynt að „pikka upp“ 12 ára barn til að koma honum á óvart – og nú virðist Ingibjörg vera annars hugar.

Í gær bætti hún nefnilega við ummæli sín: