Allt annar tónn hjá landsbyggðarþingmönnunum
Setja bókamerki
Oddvitar Samfylkingarinnar segjast vilja hafa Reykjavíkurflugvöll áfram í Vatnsmýrinni þar til trúverðugur valkostur finnist. Hann sé ekki í sjónmáli því völlurinn sé ekki að fara neitt á næstu árum.
Logi Einarsson, oddviti í Norðvesturkjördæmi, og Víðir Reynisson, oddviti í Suðurkjördæmi, hafa báðir komið því afdráttarlaust á framfæri að undanförnu að þeir telji að flugvöllur eigi að vera áfram á þeim stað sem hann er nú. Í það minnsta þar til annar valkostur finnst.
Borgarstjórnarflokkur Samfylkingarinnar hefur um árabil lagt þunga áherslu á að Reykjavíkurflugvöllur í Vatnsmýrinni víki fyrir íbúabyggð en svo virðist sem tónn Samfylkingarinnar varðandi flutning flugvallarins sé að mýkjast í málinu.
Best metni kosturinn í stöðunni til þessa hefur verið nýr flugvöllur á Hvassahrauni, en frá því að eldsumbrot hófust aftur á Reykjanesskaga hafa sprottið upp efasemdarraddir um ágæti flugvallarstæðis þar.
„Þar á hann að vera“
„Við erum búin að vera að skoða þetta með áætlunarflugið, að búa til meiri sveigjanleika fyrir það, lengja tímann sem það kæmi til greina,“ sagði Víðir Reynisson á oddvitafundi í Vestmannaeyjum í síðustu viku, þegar oddvitar Suðurkjördæmis voru spurðir hvernig þeir sæju fyrir sér að tryggja góðar flugsamgöngur meðal annars til Vestmannaeyja. Hann hélt áfram:
„Fyrir okkur er ein af grunnforsendum fyrir því að flugvöllurinn verði áfram í Vatnsmýrinni í Reykjavík. Og það er mjög skýrt hjá okkur: þar verður hann og þar á hann að vera,“ bætti Víðir við.
„Það er náttúrulega stefna Samfylkingarinnar að flugvöllurinn verði í Vatnsmýrinni þar til annar kostur verður fundinn,“ útskýrir Víðir í samtali við mbl.is, spurður um þessi ummæli.
„Hann er nú ekki í sjónmáli. Þannig að það er ekkert að fara að gerast á næstu árum að þessi flugvöllur fari eitthvað.“
Hefur sagt þetta í átta ár
Logi Einarsson, oddviti í Norðausturkjördæmi, hefur einnig tekið í svipaðan streng í kosningabaráttunni.
„Flokkurinn í borginni hefur alltaf skilið það – og hluti af samkomulaginu við innviðaráðherra er það – að flugvöllurinn verði þar sem hann er þar til að jafn góður eða betri kostur er tilbúinn,“ segir Logi í samtali við mbl.is en hann var formaður flokksins frá 2016 til 2022.
„Ég hef ekki talað neitt öðruvísi síðan ég byrjaði sem formaður,“ segir Logi.
Ekki náðist í Dag B. Eggertsson, fyrrum bogarstjóra sem skipar annað sæti á lista flokksins í Reykjavík Norður fyrir alþingiskosningar, við vinnslu fréttarinnar.
Vonast eftir breiðri þverpólitískri sátt
Skrifaði fyrstu fréttina af hvarfi Geirfinns
Hversdagslífið getur verið yndislegt
Ingibjörg skiptir um skoðun á ummælum Þórðar
Fór 1.628 km í þágu sjálfsvígsforvarna
Viðreisn í mikilli sókn
Óeðlilegt að sama gjald verði tekið óháð þyngd
„Þetta er algerlega hans ákvörðun“