Talsverður hiti í miðbænum

Í dagbók lögreglunnar segir að talsverður hiti hafi verið í fólki í miðbænum og að pústrar hafi orðið á milli manna. Fjórir voru handteknir fluttir lögreglustöð þar sem skýrslur voru teknar af mönnunum og í framhaldi héldu mennirnir hver í sína áttina.

Eins var „aðili“, líkt og það er orðað í dagbókinni, vistaður í fangaklefa vegna líkamsárásar og hótana í hverfi 104.

Þar gæti hann hafa hitt fyrir mann sem hafði í hótunum við aðila í hverfi 101. Hann var einnig vistaður í fangaklefa.

Þá var manni vísað út af slysadeild þar sem hann hafði í hótunum við starfsfólk.

• Blogga um frétt