Verkalýðsfélagið Hlíf í Hafnarfirði og Hafnarfjarðarbær hafa skrifað undir nýjan kjarasamning vegna félaga Hlífar sem starfa í leikskólum bæjarins.

Vinnustöðvun í leikskólum, sem hefjast á fimmtudaginn, hefur því verið aflýst.

Þetta kemur fram í tilkynningu á vef Hlífar. 

Þar segir að félagið telji samninginn vel ásættanlegan og að allflestum samningsmarkmiðum hafi verið náð. Mikilvægasta ákvæðið snúi að tryggingu undirbúningstíma leikskóla- og frístundaliða og stuðningsfulltrúa í leikskólum.

Samningurinn verður kynntur næstu daga og atkvæðagreiðsla um hann hefst um miðja vikuna.

Tengdar fréttir

Kjaraviðræður

„Það munu verða erfið samtöl í vikunni“

• Kallar eftir opinni umræðu um verkföllin
• Kennarar setja til hliðar kröfu um viðmiðunarhópa
• Algjör óvissa með frekari aðgerðir kennara
• Tíundi skólinn bætist við

» Fleiri tengdar fréttir

• Blogga um frétt