Kennarar í Egilsstaðaskóla á Egilsstöðum, Engjaskóla í Reykjavík, Grundaskóla á Akranesi og Lindaskóla í Kópavogi hafa samþykkt að hefja verkfallsaðgerðir þann 6. janúar næstkomandi. 

Verkföllin eru tímabundin og standa til 31. janúar, náist samningar ekki fyrir þann tíma.

Þetta kemur fram í tilkynningu frá Kennarasambandi Íslands.

Frétt af mbl.is

Börn hafi engan rétt á leikskólakennslu

98 til 100 prósent sögðu já

Félagsmenn í Félagi grunnskólakennara (FG) og Skólastjórafélagi Íslands (SÍ), sem starfa í fyrrnefndum skólum, greiddu atkvæði um verkfallsboðunina. Atkvæðagreiðslan stóð dagana 19. nóvember – 21. nóvember 2024. 

Kjörsókn var á bilinu 96 til 100 prósent. Já sögðu 98 til 100 prósent þeirra sem greiddu atkvæði.

Samtals hafa þá verið boðuð verkföll í sautján skólum, en þessa stundina eru kennarar í tíu skólum í verkföllum. Á morgun lýkur verkfallsaðgerðum í þremur grunnskólum en þann 25. nóvember hefjast verkföll í þremur öðrum grunnskólum. 

Frétt af mbl.is

Á algjöru frumstigi eftir þrjár vikur af verkfalli

Tengdar fréttir

Kjaraviðræður

Svona verður verkfall lækna á Akureyri

• Börn hafi engan rétt á leikskólakennslu
• „Það er bara góð vinna í gangi“
• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ

» Fleiri tengdar fréttir

• Blogga um frétt