Hraun gæti runnið yfir Grindavíkurveg
Úlfar segir innviði ekki í hættu í augnablikinu.
mbl.is/Eyþór
Setja bókamerki
Staðsetning nýja eldgossins er heppileg en hraun gæti þó runnið yfir Grindavíkurveg.
Þetta segir Úlfar Lúðvíksson, lögreglustjóri á Suðurnesjum, í samtali við mbl.is.
„Í augnablikinu þá eru innviðir ekki í hættu. Við getum auðvitað þurft að hafa áhyggjur af Grindavíkurvegi, hraun gæti runnið yfir Grindavíkurveg eins og hefur gerst áður. En að öðru leyti þá held ég að við séum með þetta allt í svona þokkalegum tökum,“ segir Úlfar.
Úlfar Lúðvíksson, lögreglustjóri á Suðurnesjum.
mbl.is/Kristinn Magnússon
Búið að setja upp lokunarpósta
Eldgosið hófst nærri Stóra-Skógfelli kl. 23.14 og er talið minna en síðasta eldgos. Úlfar segir vindátt vera mönnum hagstæð.
Búið er að setja upp lokunarpósta á Grindavíkurvegi við Reykjanesbraut og á Suðurstrandarvegi við Fagradalsfjall og á Nesvegi við Hafnir.
Hvað gerðist eiginlega í VMA?
Beint: Eldgos hafið við Stóra-Skógfell
Spara stórfé með olíukaupum ytra
Einar skorar á næstu ríkisstjórn
Borgin verður af milljörðum eftir dóm Hæstaréttar
Átti ekki að láta pirring bitna á sjúklingi
Skiptir mestu máli að fjárlögin voru samþykkt