Enn gýs á þremur afmörkuðum svæðum á gossprungunni á Sundhnúkagígaröðinni og er mesta virknin staðsett um miðbik hennar.

Í tilkynningu frá náttúruvávakt Veðurstofunnar segir að virknin hafi haldist nokkuð stöðug í nótt á heildina litið.

Gosórói er stöðugur og engir jarðskjálftar hafa mælst á svæðinu.

„Á nærliggjandi GPS stöðvum mælist landsig, því meiri kvika streymir upp á yfirborð en nær að safnast fyrir í kvikuhólfi,“ segir í tilkynningunni.

Gosmengun í Grindavík

Enn streymir hraun til vesturs frá miðju gígunum og rennur það meðfram varnargörðum við Svartsengi og Bláa Lónið og þykknar.

Frétt af mbl.is

Vinna að því að verja rafmagnsmöstur við Svartsengi

Einnig rennur hraun til norðurs og austurs frá nyrstu og syðstu gígum.

Áfram er spáð nokkuð stífri norðaustanátt á svæðinu svo gasmengun berst mestmegnis til suðurvesturs og gæti orðið vart við gosmengun í Grindavík í dag.

Tengdar fréttir

Eldvirkni á Reykjanesskaga

Vandræðagangur á ferðamönnum

• Tókst að stöðva rennslið við rafmagnsmastrið
• Munu vinna dag og nótt við að hækka varnargarðana
• Vinna að því að verja rafmagnsmöstur við Svartsengi
• Hættumat lækkað í Grindavík

» Fleiri tengdar fréttir

• Blogga um frétt