Innlent | mbl | 25.11.2024 | 10:26

Unnið að hraunkælingu allan sólarhringinn

Unnið er af fullum krafti við að stækka og breikka varnargarðanna við Svartsengi. mbl.is/Hákon Pálsson

Unnið var í alla nótt við hraunkælingu á gosstöðvunum við Sundhnúkagíga sem og við stækkun og breikkun varnargarðanna, svo glóandi hraun velli ekki yfir þá.

Helgi Hjörleifsson, hraunkælingastjóri almannavarna, segir að fjórir menn hafi unnið við hraunkælinguna í alla nótt og í dag verði sex menn að störfum.

Frétt af mbl.is

Varnargarðar hækkaðir um 3 til 4 metra

„Vinnan hefur gengið ótrúlega vel og við vorum að starta annarri dælu við L4 varnargarðinn,“ segir Helgi í samtali við mbl.is.

Sjá sýnilegan árangur

Sjáið þið einhvern sýnilegan árangur af þessari vinnu ykkar?

„Já, svo sannarlega og miðað við hvernig þetta leit út í fyrrakvöld þá er hraunkanturinn sem við erum búnir að vera að kæla orðinn kolsvartur,“ segir Helgi.

Á sama tíma og unnið er að kælingu hraunsins eru starfsmenn Eflu að stækka og styrkja varnargarðana.

„Við keyrum núna þessar tvær dælur í einhvern tíma en hættum bráðlega við varnargarð L3 þar sem verktakinn nálgast okkur. Þá erum við búnir að undirbúa hraunkantinn og kæla hann niður. Þegar verktakinn hefur lokið við að hækka varnargarðinn þá komum við aftur ef þörf krefur,“ segir Helgi.

Frétt af mbl.is

Kæling hraunsins þykir skila góðum árangri

„Vinnan hefur gengið ótrúlega vel og og við vorum að starta annarri dælu við L4 varnargarðinn,“ segir Helgi í samtali við mbl.is.

Sjá sýnilegan árangur

Sjáið þið einhvern sýnilegan árangur af þessari vinnu ykkar?

„Já, svo sannarlega og miðað við hvernig þetta leit út í fyrrakvöld þá er hraunkanturinn sem við erum búnir að vera að kæla orðinn kolsvartur,“ segir Helgi.

Á sama tíma og unnið er að kælingu hraunsins eru starfsmenn Eflu að stækka og styrkja varnargarðana.