200 mílur | Morgunblaðið | 26.11.2024 | 11:15 | Uppfært 11:42

Íslandsþari vill lóð á hafnarsvæði

Húsavík Lóðin er á hafnarvæðinu. Morgunblaðið/Hafþór Hreiðarsson

Sveitarstjórn Norðurþings mun í fyrstu viku desember nk. taka afstöðu til umsóknar Íslandsþara ehf. um lóð fyrir starfsemi fyrirtækisins á hafnarsvæðinu á Húsavík.

Umsóknin var tekin fyrir í skipulags- og framkvæmdaráði Norðurþings fyrr í þessum mánuði og samþykkti meirihluti ráðsins að leggja til við sveitarstjórnina að fyrirtækið fengi úthlutaða lóð í Búðarfjöru 1.

Málið hefur verið umdeilt í héraði þar sem áhyggjur voru uppi meðal íbúa um hljóð- og lyktarmengun sem starfseminni fylgdi, en Katrín Sigurjónsdóttir sveitarstjóri Norðurþings segir í samtali við Morgunblaðið að það hafi breyst.

20 þúsund tonn á ári

Fyrirtækið áformar að byggja tæplega 1.000 fermetra vinnsluhúsnæði þar sem þarinn verður þurrkaður. Til að byrja með er gert ráð fyrir að unnið verði úr allt að 20.000 tonnum á ári af þarablöðum og -stilkum.

Stefnt er að því að vinnslan verði byggð upp í áföngum á 4-5 ára tímabili og aukin milli ára þar til fullum afköstum er náð.

Umfjöllunina má nálgast í heild sinni í Morgunblaðinu í dag.