Lagt til að leikskólinn verði rifinn niður
Setja bókamerki
Umhverfis- og skipulagssviðs mun leggja til við borgarráð að rífa niður leikskólann Laugasól í Laugarneshverfi í Reykjavík. Þess í stað verður lagt til að byggðja nýjan leikskóla á sömu lóð.
Þetta segir Ámundi Brynjólfsson, skrifstofustjóri á umhverfis- og skipulagssviði Reykjavíkurborgar, í samtali við mbl.is.
„Það kom í ljós þegar það var grafið frá kjallaranum á húsinu að það voru engar undirstöður undir botnplötunni. Jarðvegurinn sem húsið hvílir á er ekki burðarhæfur,“ segir hann.
Átti að stækka skólann
Til stóð að stækka aðstöðu í Laugasól með endurgerð á kjallara skólahúsnæðisins. Hefðu framkvæmdir haldið áfram hefði skólinn stækkað úr sjö deildum í níu og getað rúmað um 190 til 200 börn.
Húsið er gamalt en það var byggt árið 1965 og um 150 börn sækja skólann.
Ámundi segir að umhverfis- og skipulagssvið muni leggja til að nýr leikskóli verði byggður á sömu lóð.
Getur tekið allt að ár að hefja framkvæmdir
„Það er náttúrulega í gildi deiliskipulag fyrir þessa lóð sem gerir ráð fyrir leikskólabyggingu og við vinnum bara út frá því. Stefnan verður klárlega sú að byggja bara nýjan leikskóla á þessum stað,“ segir hann.
Ámundi telur að það gæti tekið allt að eitt ár að hefja framkvæmdir frá og með deginum í dag, að því gefnu að borgarráð samþykki tillögu umhverfis- og skipulagssviðs.
Sendi nektarmyndir af dreng sem hann passaði
Íslensk kona handtekin á Tenerife eftir líkamsárás
Háir tollar á vörur frá Mexíkó, Kanada og Kína
Heimildarmenn tala um hápólitískt drama
Diegó vel á sig kominn: „Allir himinlifandi“
Vonir bundnar við morgundaginn