„Það er áhugavert að skoða ákveðna málaflokka sem eru ekki að skora mjög hátt þrátt fyrir að vera fyrirferðarmiklir í umræðu ákveðinna flokka. Þar má nefna áherslu Pírata á stjórnarskrármálin, sem fá ekki nema 11,4% stuðning hjá kjósendum þeirra hér, og sama má segja um Evrópumálin, sem hafa verið fyrirferðarmikil hjá Viðreisn, en í könnuninni er tæplega fjórðungur sem telur þau meðal mikilvægustu málefna,“ segir Rúnar. Þá nefnir hann einnig samgöngumál sem hafa oftast verið oddamál hjá Framsókn en eru núna í þriðja sæti á eftir heilbrigðis- og húsnæðismálum hjá kjósendum flokksins, og reyndar eru kjósendur Sjálfstæðisflokksins einnig með þau í þriðja sæti.

Kort/mbl.is

Skattamál eru veigamikil hjá kjósendum Sjálfstæðisflokksins, eða í 4.-5. sæti, og Sósíalistaflokksins, í 3. sæti, en Rúnar segir að líklega greini stuðningsmenn flokkanna tveggja á um markmið og leiðir. Hjá Samfylkingu eru heilbrigðis- og húsnæðismál efst og síðan skuldir heimilanna, en skuldamálin eru í 3. sæti hjá Flokki fólksins, hæst allra flokka.

„Það kemur mér á óvart að grundvallaratvinnuvegir eins og sjávarútvegurinn nái ekki flugi sem áherslumál, en oft hefur sá málaflokkur verið bitbein fyrir kosningar,“ segir Rúnar.

Þegar umhverfismálin eru skoðuð eru fáir flokkar með þau í öndvegi, en þau skora hæst hjá kjósendum VG og Pírata. „Mál sem snerta fólk beint, eins og efnahags-, heilbrigðis- og húsnæðismál, skipta fólk meira máli í aðdraganda kosninga en mál sem margir sjá sem fjarlægari og væri seint hægt að keyra á þeim málum í íslenska flokkakerfinu og ná árangri.“

Athugið: EKki var hægt að greina sundur málefni meðal stuðningsmanna Lýðræðisflokksins vegna þess hve þeir voru fáir.

Tengdar fréttir

Alþingiskosningar 2024

Pawel: Auglýsingin ekki kostuð af mér

• Skilur við Viðreisn vegna geðheilbrigðisstefnu flokksins
• Beint: Lokaskilaboð Kristrúnar
• „Grafalvarlegt að logið sé að kjósendum“
• Yfir 25 þúsund manns kosið utan kjörfundar

» Fleiri tengdar fréttir