Alþingi samþykkti nýverið breytingu á lögum um Náttúruhamfaratryggingu Íslands (NTÍ) sem felur í sér heimild stofnunarinnar til þess að hækka iðgjöld tímabundið um 50%.

Þetta kemur fram í tilkynningu frá Náttúruhamfaratryggingu Íslands en þar segir að atburðirnir, sem átt hafa sér stað á Reykjanesskaga undanfarið, hafa haft veruleg áhrif á fjárhagslega stöðu NTÍ.

Frétt af mbl.is

Tjónið gæti numið 17 milljörðum

„Stofnunin þarf á hverjum tíma að eiga fjármuni til að greiða bætur vegna tjóns á húseignum, innbúi og öðru lausafé sem vátryggt er hjá NTÍ,“ segir í tilkynningunni.

Heimild til hækkunar á iðgjöldum NTÍ verður nýtt og frá og með 1. janúar 2025 og verða þau innheimt með 50% álagi samhliða brunatryggingariðgjöldum. Iðgjald fyrir húseignir, innbú og annað lausafé fer úr 0,025% í 0,0375% af vátryggingarfjárhæð. 

Frétt af mbl.is

Bæta þarf stöðu Náttúruhamfaratryggingar

„Sem dæmi um áhrif þessara breytinga mun iðgjald til NTÍ af 80 milljón króna eign hækka úr kr. 20.000 á ári í kr. 30.000 á ári og iðgjald af innbústryggingu á 20 milljón króna innbúi mun hækka úr kr. 5.000 í kr. 7.500 á ári,“ segir enn fremur í tilkynningunni.

Náttúruhamfaratrygging Íslands er opinber stofnun sem hefur það hlutverk að vátryggja húseignir og brunatryggt lausafé, þ.m.t. innbú, gegn tjóni af af völdum jarðskjálfta, eldgosa, skriðufalla, snjóflóða og vatnsflóða. 

Tengdar fréttir

Eldvirkni á Reykjanesskaga

Hættumat lækkað fyrir Svartsengi og Grindavík

• „Hraunflæðið í átt að Svartsengi lokið í bili“
• Svartsengislína: Líklega aftur í rekstur fyrir helgi
• Jafn kraftur í eldgosinu
• Stæði fyrir rútur verði skammt frá Bláa lóninu

» Fleiri tengdar fréttir

• Blogga um frétt