Yfir 25 þúsund manns kosið utan kjörfundar
Setja bókamerki
Atkvæðagreiðsla utan kjörfundar er að aukast frá degi til dags og nú þegar hafa yfir 25 þúsund Íslendingar greitt atkvæði.
Þetta segir Einar Jónsson, staðgengill sýslumannsins á höfuðborgarsvæðinu, í samtali við mbl.is.
Á mánudaginn höfðu 17 þúsund manns kosið utan kjörfundar en nú hafa 25.290 kosið. Þar af hafa flestir greitt atkvæði á höfuðborgarsvæðinu, eða 14.830 manns.
Enn eiga margir eftir að kjósa
Á Suðurlandi hafa 1.369 atkvæði verið greidd, á Suðurnesjum hafa 993 atkvæði verið greidd og í Vestmannaeyjum hafa 273 atkvæði verið greidd.
Á Vesturlandi eru 827 búnir að kjósa en á Vestfjörðum 439. Á Norðurlandi vestra hafa 450 kosið.
Á Norðurlandi eystra hafa 2.020 kosið og á Austurlandi hafa 554 kosið.
Einar segir að í forsetakosningunum hafi um 42 þúsund manns kosið utan kjörfundar og því má vænta þess að enn eigi eftir að greiða í kringum 15 þúsund atkvæði til viðbótar utan kjörfundar.
/frimg/1/53/24/1532413.jpg)
Samdráttur í auglýsingakaupum hjá íslenskum miðlum
„Hraunflæðið í átt að Svartsengi lokið í bili“
„Nú er nóg komið“
Fyrstu vetrarkosningar síðan 1979
Svartsengislína: Líklega aftur í rekstur fyrir helgi
Hætt við því að vegir teppist á kjördag
Haraldur: Þörf á uppbyggingunni
Vopnahlé verður samþykkt
