Árásarmál á Vopnafirði: Rannsókn lokið

Rannsókn lögreglunnar á árásarmáli á Vopnafirði í október þar sem maður er grunaður um alvarlega líkamsárás gagnvart fyrrverandi sambýliskonu er lokið og er málið komið til héraðssaksóknara.

Frétt af mbl.is

Alvarleg líkamsárás gagnvart fyrrum sambýliskonu

Þetta staðfestir Kristján Ólafur Guðnason, yfirlögregluþjónn á Austurlandi, í samtali við mbl.is. Maðurinn hefur setið í gæsluvarðhaldi frá 19 október og rennur það út 11. desember næstkomandi.

Hlynur Jónsson lögmaður hins grunaða sagði í samtali við mbl.is í síðustu viku að skjólstæðingur sinn hafi úrskurðaður áfram í gæsluvarðhald og að þessu sinni í hefbundnu fangelsi en maðurinn hafði áður verið úrskurðaður til að sæta vistun á geðdeild vegna ótta um að hann kynni að vera háskalegur sjálfum sér.

Frétt af mbl.is

Vistaður á geðdeild í gæsluvarðhaldi

Maðurinn er grunaður um að hafa veist að fyrrverandi sambýliskonu sinni og reynt að stinga hana í kviðinn með járnkarli og herða að öndunarvegi hennar með verkfærum.

• Blogga um frétt