Geirfuglsegg á uppboði í London

Geirfuglsegg verður boðið upp hjá breska uppboðsfyrirtækinu Sotheby’s í London 4. desember næstkomandi.

Slík egg eru afar sjaldgæf en aðeins er talið að um 75 geirfuglsegg séu til. Enn sjaldgæfara er að þau séu boðin til sölu á uppboðum þar sem flest eggin eru í eigu opinberra safna, þar á meðal er eitt í eigu vísindasafns Náttúru­fræðistofnunar Íslands en það barst safninu árið 1954.

Eggið á uppboðinu er metið á jafnvirði 9-12 milljóna króna.

Íslendingar keyptu uppstopp­aðan geirfugl á uppboði hjá Sotheby’s í London fyrir rúmum 53 árum. 

Umfjöllunina má nálgast í heild sinni í Morgunblaðinu í dag.