„Verulega erfið deila“
Setja bókamerki
Ástráður Haraldsson ríkissáttasemjari segir að langt sé í land í kjaradeilu kennara og ríkisins en deiluaðilar komu saman til fundar í Karphúsinu klukkan 9 í morgun.
Verkfallsaðgerðir kennara hafa staðið yfir frá því 29. október. Kennarar í tíu skólum eru í verkföllum og þann 10. desember bætast kennarar í tíu leikskólum í hóp þeirra sem eru í verkföllum og þann 6. janúar bætast við kennarar úr fjórum grunnskólum.
„Það er mjög langt á milli aðila og það verður bara að segjast eins og er að þetta er verulega erfið deila,“ sagði Ástráður við mbl.is áður en samningafundurinn hófst í húsakynnum ríkissáttasemjara.
Ástráður segir að enn sé verið að reyna að þróa þá braut sem fundist hafi um síðustu helgi en í gær voru vinnufundir allan daginn eins og dagana þar á undan.
„Ég er að vona að við getum náð koma viðræðunum á meira skrið og það er verkefni dagsins. Það er bara áfram gakk,“ segir Ástráður.
Hættumat lækkað fyrir Svartsengi og Grindavík
„Ég held að þetta sé allt saman á góðri leið“
Settu á svið umferðarslys til að svíkja út fé
Beint: Leiðtogar flokkanna mætast
Fjögur andlát til skoðunar
Ný könnun: Flokkur fólksins og Framsókn bæta við sig
„Mikið framfaraskref fyrir lækna“
Mega lækka lífeyrisrétt yngra fólks
