Í gær voru undirritaðir samningar um uppbyggingu 148 íbúða við Hvaleyrarbraut 4-12 annars vegar og hins vegar 110 íbúða auk þjónusturýmis við Hvaleyrarbraut 20, samkvæmt tilkynningu frá Hafnarfjarðarbæ.

Nýlega var gengið frá samkomulagi um uppbygginu 190 íbúða á Óseyrarbraut 13 og í sumar var greint frá því að 144 íbúðir yrðu byggðar við Hvaleyrarbraut 26-30 ásamt þjónusturýmum.

Íbúðahverfin sem um ræðir markast af Hvaleyrarbraut, Lónsbraut og Óseyrarbraut sunnan hafnarsvæðisins, meðal annars svokallað Óseyrarhverfi. Lóðirnar hafa fram til þessa verið nýttar undir ýmiss konar atvinnustarfsemi.

Samtals hefur því verið samið um uppbyggingu 592 íbúða á svæðinu. Frekari uppbygging íbúða og þjónustu er fyrirhuguð á þessu svæði á komandi árum og mun hún hafa mikil og jákvæð áhrif á ásýnd og mannlíf bæjarins, er fullyrt í tilkynningunni.

Lesa má meira um málið í Morgunblaðinu í dag

Tengdar fréttir

Húsnæðismarkaðurinn

Kostnaðarsöm aðlögun

• Blanda íbúða, þjónustu og verslana
• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts

» Fleiri tengdar fréttir