„Lítur ekki vel út með kjördaginn“
Setja bókamerki
Tengdar fréttir
Veður
Veðurútlitið fyrir morgundaginn, þegar kosið verður til Alþingis, er alls ekki gott en spáð er leiðindaveðri víða um landið með hríðarveðri og sterkum vindi á norður- og austurhelmingi landsins.
Teitur Arason, veðurfræðingur á Veðurstofu Íslands, segir við mbl.is að eftir hádegi á morgun taki í gildi gular veðurviðvaranir á Austurlandi að Glettingi, Norðurlandi og Norðurlandi vestra og á þessum svæðum verði komið leiðindaveður strax í fyrramálið.
Hann segir að á austurhelmingi landsins megi búast við snjókomu og skafrenningi og á Suðausturlandi og á Austfjörðum séu líkur á að færð geti spillst. Það gæti því brugðið til beggja vona um aðgengi fólks að kjörstöðum á þessum svæðum.
„Það lítur ekki vel út með kjördaginn. Það verður bara leiðindaveður víða um landið. Það verður bæði kalt og vindasamt og töluverð mikil snjókoma sem verður mest á austanverðu landinu en líka á norðanverðu landinu. Á Vestfjörðum verður éljagangur en á vesturhelmingi landsins ætti að verða þurrt en kuldanæðingur,“ segir Teitur við mbl.is.
Tengdar fréttir
Veður
Sjálfstæðisflokkur og Samfylking bítast um forystuna
Formaðurinn má ekki greiða atkvæði utan kjörfundar
Ekki lengur ókeypis að geyma lík
Lögregluaðgerð á Ísafirði
Dagur sætir kæru
Þórður og Sólveig sýknuð á ný
Þyrlan kölluð út: Slasaðist á Kötlujökli
