Munur á Samfylkingu og Sjálfstæðisflokki innan marka
Setja bókamerki
Samfylking nýtur 21,9% fylgis í nýrri könnun Félagsvísindastofnunar Háskóla Íslands. Sjálfstæðisflokkur mælist litlu minni með 19,7% fylgi en munurinn þar á milli er innan vikmarka.
Viðreisn mælist með 14,4% fylgi.
Flokkur fólksins mælist með 10,5%.
Rúmlega tíundi hver þeirra sem svara, eða 10,1%, nefnir Miðflokkinn og 9,4% Framsóknarflokkinn.
Tekið er fram í tilkynningu á vef stofnunarinnar að munurinn á milli þriggja síðastnefndu flokkanna sé innan vikmarka.
2,1% nefna Vinstri græn
Sósíalistar mælast með 6,1% fylgi og Píratar 4,5%.
Þá nefna 2,1% svarenda Vinstri græn, 1,2% Lýðræðisflokkinn og 0,1% Ábyrga framtíð.
Könnunin var gerð í dag og í gær, þar sem fólk var spurt hvaða flokk eða lista það ætlar að kjósa í alþingiskosningunum á morgun.
Tekið var 2.600 manna úrtak úr netpanel Félagsvísindastofnunar. Alls tóku 1.060 afstöðu til spurningarinnar.
„Erum mjög áhyggjufull“
Eldgosið það næststærsta í röðinni
„Versta spáin virðist vera að rætast“
„Lítur ekki vel út með kjördaginn“
Yfir 40.000 kosið utan kjörfundar
Heitavatnsnotkun jókst um allt að 10%
Hátt í 600 nýjar íbúðir í Hafnarfirði
