Nýta allan mannskap og tæki á Austurlandi
Setja bókamerki
Tengdar fréttir
Veður
/frimg/1/53/31/1533196.jpg)
Verið er að nýta allan þann mannskap og tæki sem eru til taks í snjómokstri á austurhelmingi landsins og unnið er hörðum höndum að því að halda vegum opnum, þrátt fyrir mikla snjókomu og skafrenning.
Fjarðarheiði var hins vegar lokað um tíuleytið í morgun en það á að taka stöðuna þar um þrjúleytið og athuga með áframhaldandi mokstur. Útlitið er hins vegar ekki gott og menn ekki bjartsýnir á að hægt verði að opna að sögn þjónustufulltrúa hjá Vegagerðinni.
Skafrenningur eykst þegar líður á daginn
Þá hefur veginum um Vatnsskarð eystra einnig verið lokað
„Við vorum að fá stöðuna um Vatnsskarð eystra, þeir eru að hætta mokstri þar núna. Þeir komust aldrei í gegn, það skóf jafnharðan í.
Annað er opið en það er töluverður skafrenningur sem mun aukast eftir því sem líður á daginn og vindur eykst eftir hádegið, um tvöleytið kannski,“ segir Magnús Ingi Jónsson, þjónustufulltrúi á vöktun og upplýsingum hjá Vegagerðinni.
Gular veðurviðvaranir í gildi
Hann segir þó ekkert fast í hendi með það hvort loka þurfi á fleiri stöðum, en reynt verði til hins ýtrasta að halda vegum opnum.
„Við munum reyna eins og við getum að halda opnu, en niðri á fjörðunum hefur verið erfitt, á milli Fáskrúðsfjarðar og Breiðdalsvíkur til dæmis. Þar hefur verið sérstaklega erfitt að halda opnu.“
Gular veðurviðvaranir eru í gildi eða taka gildi síðar í dag á Norðurlandi eystra, Norðurlandi vestra, Austurlandi að Glettingi, Austfjörðum og Suðausturlandi. Þegar líður á daginn dregur úr úrkomu á Norður- og Austurlandi en áfram verður hvasst og gert ráð fyrir skafrenningi.
Tengdar fréttir
Veður
„Ekkert útlit fyrir að það þurfi að fresta kjörfundi“
Gæti orðið erfitt að ná kjörgögnum á talningarstað
SKE rannsakar milljarða viðskipti landlæknis
Björgunarsveitir í startholunum á kjördag
Teknir með kókaín í nokkru magni
Íslendingum bregður við biðröðum á kjörstað
Eldgosið það næststærsta í röðinni
