„Þetta gengur nokkuð smurt, það er að rætast úr þessu öllu hjá okkur,“ segir Gestur Jónsson, formaður yfirkjörstjórnar í Norðausturkjördæmi.

„Verstu spár gengu ekki eftir og við kláruðum kjörfundi og nú erum við farin að fá töluvert af atkvæðum í hús.“

Utankjörfundaratkvæði hægja á

Eins og veðurspáin leit út í gær voru taldar einhverjar líkur á því að loka þyrfti kjörstöðum vegna veðurs, en þá hefði þurft að fresta talningu atkvæða á öllu landinu, en allt hafðist það að lokum og lokuðu kjörstaðir á ásettum tíma klukkan 22.

Nú sé bara að bíða eftir að öll kjörgögn berist en aðspurður segir Gestur erfitt að segja til um hvenær öll atkvæði berist í hús. Mikið sé um utankjörfundaratkvæði í ár sem hægi á talningu.

„Þessi ár sem ég hef verið í þessu þá hef ég yfirleitt sagt svona um sex en aldrei verið fyrr en sjö eða átta. Og stundum klukkan tíu.“

Tengdar fréttir

Alþingiskosningar 2024

„Þetta er mjög gaman“

• „Gefur kraft og lyftir mér upp“
• Miklar breytingar í Reykjavík suður
• Ætlar ekki að mynda ríkisstjórn í viðtali
• Inga Sæland hallar sér upp að Kristrúnu

» Fleiri tengdar fréttir

• Blogga um frétt