Bæjarstjórar og fyrrum borgarstjórar á Alþingi
Setja bókamerki
Fjölmörg ný nöfn verður að finna á Alþingi þegar það kemur aftur saman eftir nýafstaðnar þingkosningar.
Sumir hafa verið áberandi í sveitarstjórnarmálum. Tveir fyrrverandi borgarstjórar eru þar á meðal, eða þeir Dagur B. Eggertsson úr Samfylkingunni og Jón Gnarr úr Viðreisn.
Tveir bæjarstjórar eru einnig á meðal nýrra þingmanna, eða þær Rósa Guðbjartsdóttir, bæjarstjóri Hafnarfjarðarbæjar sem sat áður á Alþingi sem varaþingmaður Sjálfstæðisflokksins árið 2008, og Arna Lára Jónsdóttir, bæjarstjóri Ísafjarðarbæjar, úr Samfylkingunni.
Fyrrverandi bæjarstjóri í hópnum
Einn fyrrverandi bæjarstjóri er í hópnum, eða Eiríkur Björn Björgvinsson úr Viðreisn sem er var bæjarstjóri Akureyrar og þar á undan á Fljótsdalshéraði Hann hefur undanfarið starfað sem sviðsstjóri menningar- og íþróttasviðs Reykjavíkurborgar.
Aðrir sem sitja eða hafa setið í sveitarstjórnum og eru núna komin á þing eru Pawel Bartoszek, fyrrverandi borgarfulltrúi Viðreisnar, Kolbrún Baldursdóttir, borgarfulltrúi úr Flokki fólksins, Ása Berglind Hjálmarsdóttir úr Samfylkingunni sem hefur verið bæjarfulltrúi í Ölfusi, Guðmundur Ari Sigurjónsson úr Samfylkingunni, sem hefur verið bæjarfulltrúi á Seltjarnarnesi, Jens Garðar Helgason, fyrrverandi formaður bæjarráðs Fjarðarbyggðar og Ólafur Adolfsson, fyrrverandi bæjarfulltrúi á Akranesi.
Hefði viljað fá að starfa með Bjarna
Aldrei verið reynt því hugmyndin þótti galin
Ræða óróann í Ljósufjallakerfinu
Sýnir hvað stríð er hræðilegt, ömurlegt og grimmt
Afturkalla ætti byggingarleyfið
Vindi sér í að móta ramma
Færanlegar skólastofur settar upp við MS