Grímur varla búinn að jafna sig
Setja bókamerki
Grímur Grímsson, yfirlögregluþjónn og nýkjörinn þingmaður Viðreisnar, segist aðspurður varla vera búinn að jafna sig eftir kosninganóttina.
„Það var rétt fyrir eitt í dag sem þetta var ljóst að ég hefði náð kjöri. Þetta er enn svo stuttur tími. Ég er nú búinn að átta mig á þessu en ég er enn þá að melta þetta,“ segir Grímur í samtali við mbl.is.
Hringekjan hafði áhrif víðar
Segir Grímur þær fréttir þó hafa verið súrsætar þar sem flokksbróðir hans, Aðalsteinn Leifsson, missti af þingsæti sínu.
„Þessi hringekja varð þess valdandi að ég fór inn og hann fór út.“
Grímur segir að sér lítist vel á nýtt hlutverk sem þingmaður Viðreisnar. Segist hann aðspurður ekki geta sagt til um neina óskastöðu í stjórnarmyndunarviðræðum.
Stefnir ekki aftur á lögregluna
Áttu eftir að sakna lögreglunnar á meðan þú ert á þingi?
„Já, alveg klárlega. Ég hef notið þess að vera í lögreglunni allan þennan tíma, í 37 ár. Ég mun sakna fólksins og sakna þess að vera í lögreglunni.“
Grímur segist ekki reikna með því að starfa aftur hjá lögreglunni eftir þingsetu sína.
/frimg/1/53/30/1533012.jpg)
Hvernig gátuð þið fundið okkur?
Lokatölur: Samfylkingin bætti við sig 9 þingsætum
Ríkisstjórnin rassskellt
Jóhann Páll: Þurfum að standa okkur í stykkinu
Alma Möller: Ákall um breytingar
Tuttugu og einn hefur aldrei setið áður á þingi
Það er rosalegt ákall eftir breytingum
