Braut bílrúður vopnaður barefli

Lögreglunni á Hverfisgötu var tilkynnt um einstakling að brjóta rúður í bifreiðum og talið var að hann væri vopnaður barefli.

Lögreglan fann hann skömmu síðar og var hann handtekinn og vistaður í fangageymslu sökum ástands og í þágu rannsóknar.

mbl.is/Eggert Jóhannesson

Kastaði glasi í annan 

Lögreglan í sama umdæmi var kölluð til þar sem einstaklingur hafði ráðist að öðrum og kastað í hann glasi. Sá sem varð fyrir árásinni var ekki alvarlega slasaður en lögregla þekkir til árásarmannsins og leitar hans nú, að því er segir í dagbók lögreglunnar vegna verkefna frá klukkan 17 í gær til kl. 5 í morgun.

Alls eru 54 mál bókuð í kerfum lögreglunnar á tímabilinu og gista þrír í fangageymslu.

mbl.is/Hari

Óvelkominn á skemmtistað

Lögreglan í Kópavogi og Breiðholti var kölluð til vegna einstaklings sem var inni á skemmtistað en var þar óvelkominn. Lögreglan vísaði honum út.

Tveir ökumenn voru stöðvaðir á höfuðborgarsvæðinu grunaðir um akstur undir áhrifum áfengis.

Þá hafði lögreglan í Hafnarfirði, Garðabæ og á Álftanesi afskipti af einstaklingi sem er grunaður um vörslu fíkniefna.

• Blogga um frétt