Styttist í skíðavertíðina á Akureyri

Akureyrarbær á von á því að skíðasvæðið í Hlíðarfjalli muni opna í síðasta lagi 13. desember. 

Vakin er athygli á þessu á staðarmiðlinum Akureyri.net. Þar segir jafnframt að spáð sé „drjúgri ofankomu“ næstu daga. 

Nokkuð mun hafa safnast af snjó í fjallinu sem er eitt þekktasta skíðasvæði landsins. 

Akureyringar eru einnig með búnað til að framleiða snjó og hefur það gengið vel samkvæmt Akureyri.net. 

Forsala á vetrarkortum í Hlíðarfjall stendur nú yfir. 

• Blogga um frétt