Umboðsmaður Alþingis hefur óskað eftir upplýsingum frá Útlendingastofnun um afgreiðslu umsókna um dvalarleyfi eftir að útlendingalögum var breytt. Beinast sjónir hans meðal annars að því hvort lögunum hafi verið beitt afturvirkt.

Þetta kemur fram á vef umboðsmanns Alþingis. Þar segir að embættinu hafi borist ábendingar um nýlega afgreiðslu Útlendingastofnunar á umsóknum um endurnýjun tímabundins dvalarleyfis og umsóknum um ótímabundið dvalarleyfi hafi lögum verið beitt með afturvirkum hætti.

Stofnunin hafi ekki vakið athygli á kærurétti

„Þá hefur verið bent á að dæmi séu um að umsækjendur hafi ekki fengið ákvörðun í máli sínu birta með viðeigandi hætti auk þess sem Útlendingastofnun hafi ekki gætt að leiðbeiningarskyldu sinni, þ. á m. að því er snýr að kærurétti umsækjenda til æðra stjórnvalds. Hefur umboðsmaður því óskað eftir að Útlendingastofnun varpi ljósi á nokkur atriði áður en tekin verður afstaða til þess hvort tilefni sé til frekari athugunar,“ segir á vef stofnunarinnar.

Frétt af mbl.is

Hámarksdvalarleyfi lengt í fimm ár

Tengdar fréttir

Flóttafólk á Íslandi

Hámarksdvalarleyfi lengt í fimm ár

• Flestir sem hvergi finnast koma frá Sómalíu
• Vonast eftir breiðri þverpólitískri sátt
• Allt frá nokkrum tímum upp í viku í nýrri miðstöð
• Mjög dýrt að tryggja landamærin

» Fleiri tengdar fréttir

• Blogga um frétt