Vél Icelandair snúið við eftir sprungu í framrúðu

Vél Icelandair sem var á leið til Zurich í Sviss í morgun var snúið við eftir að í ljós kom sprunga í framrúðu.

Að sögn Guðna Sigurðssonar, upplýsingafulltrúa hjá Icelandair, kom sprungan í ljós fljótlega eftir að farið var af stað.

Var henni í framhaldinu snúið við og lent á Keflavíkurflugvelli að nýju. Önnur vél fór með farþega í loftið aftur fyrir skemmstu að sögn Guðna.

Flugvélin með sprungnu rúðuna verður send í viðhald að sögn Guðna.

• Blogga um frétt