Hanna gerir ekki kröfu um ráðherrastól
Setja bókamerki
Hanna Katrín Friðriksson, þingflokksformaður Viðreisnar, gerir ekki kröfu um ráðherrastól komist Viðreisn í ríkisstjórn.
Þetta segir Hanna í samtali við mbl.is.
Gerir þú kröfu um ráðherrastól ef Viðreisn fer í ríkisstjórn?
„Nei. Ég er ekki með neina kröfu um neitt annað en við leggjum okkur fram við að reyna að mynda samstillta ríkisstjórn sem vinnur að málum sem við höfum sett á oddinn,“ segir hún og nefnir verðbólgu og vexti sem og biðlista.
Þorgerður Katrín með fullt umboð
Stjórnarmyndunarviðræður Samfylkingar, Viðreisnar og Flokks fólksins standa yfir og til stóð að fundur myndi hefjast klukkan 10 í morgun, að sögn Ingu Sæland.
Hanna segir ekkert fast í hendi og því ómögulegt að tjá sig og hvernig henni líst á mögulegt samstarf þessara þriggja flokka.
„Þorgerður Katrín [formaður Viðreisnar] er með fullt umboð þingflokksins til að taka þessar viðræður áfram en við höfum ekkert séð enn þá og vitum ekkert hvernig niðurstaða kemur úr slíkum viðræðum,“ segir Hanna.
Sjá ekki fyrir mörg ágreiningsmál
„Heimurinn logar“
Skólahald hafið á ný í Árneshreppi
HA ríður á vað gervigreindar
Gerir aðeins kröfu um ráðuneyti ef hún er hæfust