Könnun Gallup nálægt úrslitum kosninga
Setja bókamerki
Almennt voru niðurstöður helstu viðhorfskannana sem gerðar voru rétt fyrir nýafstaðnar alþingiskosningar nokkuð nærri úrslitum kosninganna.
Í tilkynningu frá Gallup kemur fram að þegar nýjasta kosningakönnun Gallup sem birt var daginn fyrir kjördag er borin saman við niðurstöður kosninga sést að meðalfrávik í könnun Gallup er aðeins 0,9 prósentustig.
Þegar eingöngu eru skoðaðir þeir flokkar sem buðu fram á landsvísu er meðalfrávikið örlítið hærra, eða 1,0 prósentustig, og frávikið er það sama þegar skoðaðir eru þeir sem fengu yfir 1% fylgi. Þetta teljast lítil frávík og er meðalfrávik Gallup lægst af þeim fyrirtækjum sem birtu fylgiskannanir fyrir kosningar.
Mælingar Gallup sýna að stórt hlutfall kjósenda ákveður á kjördag hvaða flokk það kýs í kosningum. Í kosningamælingum Gallup undanfarin ár hafa á bilinu 16-29% kjósenda ákveðið sig á kjördag.
Börn bundin í stóla og borða ekki sjálf
Hollendingar sagðir hjálpa Pútín
HA ríður á vað gervigreindar
Yoon dregur í land
Fundur fljótlega: „Það er að fæðast fallegt barn“
Allt að 80% aukning milli ára