Sælgæti frá Nóa Síríus hækkar verulega í verði á milli ára eða um 24% í Bónus og um 22% í Krónunni.

Þetta kemur fram í niðurstöðum verðlagseftirlits Alþýðusambands Íslands (ASÍ). 

Þar segir að Nói Síríus skeri sig úr þegar breytingar á verði eftir framleiðendum í Krónunni og Bónus eru skoðaðar. Verð á vörum frá Freyju, Góu og Lindu hækka mun minna eða um 7 til 10%. 

Verð hækkar í Iceland en lækkar í Nettó

Matvörubúðin Iceland sker sig úr í hækkun verðlags á milli ára. Frá nóvember í fyrra til nóvember í ár hefur verðlag í Iceland hækkað um 10%. 

Þetta er mun meira en í öðrum matvöruverslunum. 

Verðlag hefur hækkað um 4% í Bónus og 2,2% í Krónunni á milli ára. 

Að meðaltali hafa vörur í Nettó hækkað um 0,4% þegar ekki er vegið eftir mikilvægi vöruflokka. Vörur sem fást einnig í Bónus hafa lækkað um 4% í verði á milli ára en vörur sem er ekki að fá í Bónus hafa hækkað um 2% að meðaltali. 

Egg lækka í verði

Af þeim vöruflokkum sem voru til skoðunar hjá verðlagseftirlitinu voru það kartöflur sem hækkuðu mest í verði hjá Bónus og Krónunni. Þrír vöruflokkar lækkuðu í verði, þar á meðal egg.

Síðustu mánuði hefur verið umræða um eggjaskort á landinu og því áhugavert að varan lækki í verði. 

Frétt af mbl.is

Skortur á eggjum en óþarfi að hamstra

Tengdar fréttir

Verðkannanir

Græni punkturinn ekki til marks um lágvöruverð

• Verðlag á matvöru hækkar
• Verðið lækkar mest í Nettó
• Hagkaup verðmerkti sömu vörurnar tvisvar
• Hægir á verðhækkunum á matvöru

» Fleiri tengdar fréttir

• Blogga um frétt