Keyrt á tvær verslanir á höfuðborgarsvæðinu

Lögreglunni á höfuðborgarsvæðinu bárust tvær tilkynningar í dag þess efnis að bifreið hefði verið keyrt á verslun. 

Annars vegar ók ökumaður bifreiðar á húsavegg verslunar og hins vegar bakkaði ökumaður bifreið sinni á rúðu verslunar. 

Þetta er meðal þess sem dagbók lögreglu greinir frá.

Menn í annarlegu ástandi

Maður var tilkynntur til lögreglu og sagður vera í annarlegu ástandi utandyra. Við nánari skoðun kom í ljós að maðurinn þurfti að komast undir læknishendur og hann fluttur á spítala.

Aðrir menn í annarlegu ástandi voru tilkynntir til lögreglu en þeir voru í bílastæðahúsi. Mennirnir gengu burt eftir samtal við lögreglu.

Annars greinir dagbók lögreglu frá þremur þjófnuðum og árekstri á milli tveggja bifreiða. Draga þurfti bílana burt en meiðsli ökumanna eru sögð lítil.

• Blogga um frétt